Нова победа на ЖРК Металург

Во претпоследното коло на женската Суперлига, екипата на ЖРК Металург ја совлада екипата на ЖРК Деспина, со резултат 25:16 (12:8).

Овој натпревар имаше неочекуван почеток, бидејќи гостинскиот тим стартуваше со серија од 3:0. Но, ЖРК Металург брзо ја надмина кризата и врати со своја серија од 4:0, после која работите дојдоа на своето место, а Металург своето водство не го испушти до самиот крај. Првите 30 минути ги завршивме со позитива од 4 гола, 12:8.

Второто полувреме исто така го добија нашите ракометарки, кои, иако воглавно играа со вториот состав, стигнаа до конечни +9, 25:16.

Ова се и последни бодови за нашиот тим, со оглед дека во последното коло играме со ЖРК Вардар. Со оваа победа нашите девојки го заверија освоеното второ место во првенството на Македонија.

.

ЖРК Металург – ЖРК Деспина  25:16 (12:8)

ЖРК Металург:  Илјаз, Кркачева, Паскал, Гугуљанова, Владева, Божиновска 2, Тасевска 3, Смајлоска 1, Алексоска 2, Дамчевска 3, Калајџиевска, Граматова 1, Ѓоргиевска, Стефановска 4, Гајиќ 9 и Стојмановска.   Седмерци: 4/4.   Исклучувања: 6 минути.

ЖРК Деспина: Димитриеска, Е.Рипилоска, Ристеска, А.Камческа 1, Крстевска, Цветкоска 1, Спиркоска, Ристевска, Димова 1, Димитрова, Јовеска 1, Богеска, Конеска 4, М.Камческа 4, Седлоска 1 и Л.Рипилоска 3.   Седмерци: 4/5.   Исклучувања: 10 минути.

Судии: Марија Илиева и Силвана Карбеска од Скопје.

Делегат: Марјан Огњановски од Скопје.

ЖРК Металург повторно пресилен за Вардар

Во Прилеп, Деспина падна под налетот на ЖРК Металург

ЖРК Стружанка го сопре Металург