Куманово го доби дерби натпреварот во Автокоманда

ЖРК Металург го доживеа својот прв пораз во тековната сезона, откако во Автокоманда го загуби големото македонско дерби со екипата на ЖРК Куманово. Гостинскиот тим беше подобар и не совлада со убедливи 23:30 (11:13).

Тоа беше судир на две досега непоразени екипи, кои во претходните шест кола покажаа најмногу и кои со право се единствените претенденти за шампионската титула.

Првото полувреме мина во интересна, борбена и воглавно раноправна игра. Во првите 20 минути двете екипи се менуваа во водство, додека последната третина од првиот дел им припадна на гостинките, кои на самиот крај поведоа и со 4 голови разлика. Сепак, ЖРК Металург го заврши полувремето со два едноподруго гола и на одмор замина со негатива од само два погодока.

Се се измени во вториот дел во кој нашите девојки влегоа во континуирана серија на грешки, кои противникот умешно ги искористи и многу брзо создаде разлика од 5 гола, која не ја испушти до самиот крај. Најголемото водство на Куманово изнесуваше 9 гола, а средбата заврши со резултат 23:30. Со оваа победа Куманово направи голем исчекор во освојувањето на првенството.

Во следното 8 коло (18 октомври) ќе и гостуваме на екипата на Деспина.

.

ЖРК Металург – ЖРК Куманово  23:30 (11:13)

ЖРК Металург: Илјаз, Паскал, Гугуљанова 2, Владева, Гулицоска 3, Тасевска 6, Смајлоска 1, Арсениевска, Дамчевска 2, Младеновска, Алексоска, Темелковска, Божиновска 5, Петковска 2 и Николиќ 2.    Седмерци: 1/1.     Исклучувања: 8 минути.

ЖРК Куманово: Марковиќ 1, Пецанова, Трајковиќ 5, Ивановска 3, Боризовска 6, Јовановска, Шарановиќ 1, Чокели 4, Јанкуловска 7, Кипријановска 3, Митровиќ, Џакмиќ, Краљевска, Цветановска, Бечирхоџиќ и  Димитриевска.     Седмерци: 3/3.    Исклучувања: 8 минути.

Судии: Ѓорѓи Начевски и Славе Николов.

Делегат: Камер Металари.

Нова победа на ЖРК Металург, совладан е тимот на Спартак

ЖРК Металург славеше на гостувањето кај Гевгелија

Стружанка го изненади тимот на ЖРК Металург во Автокоманда