Пионерките на ЖРК Металург првенството го стартуваа со гостинска победа во Куманово

22.09.2019 23:06

Во првото коло на женското пионерско првенство на Македонија, екипата на ЖРК Металург гостуваше во Куманово. Нашиот тим во соседниот град допатува со само девет ракометарки, поради епидемија на повреди и болести што во моментот го зафатија тимот. Сепак, и со девет ракометарки ги освоивме трите бода и означивме перфектен старт на новата сезона.

Во првото полувреме домашниот тим покажа повеќе на почетокот и имаше водство во првите две третини од овој дел. Но, така беше се додека ракометарките на Металург не ги консолидираа своите редови, а потоа тргнаа во освојување на бодовите. Првото полувреме го добивме со минимални 7:8.

Во вториот дел нашите ракометарки го диктираа темпото и имаа целосна контрола врз резултатот. Во два наврати водевме со максимални +5, а средбата ја завршивме со предност од три гола, 12:15.

Инаку, ова беше прв натпревар во кој нашиот пионерски тим го предводи Мери Арсениевска. И честитаме на првата победа и и посакуваме многу успеси во кариерата.

.

ЖРК Куманово – ЖРК Металург  12:15 (7:8)

ЖРК Куманово: Андоновска, Кировска, Трајковска, Ѓорѓиевска, Николовска 4, Милановска 1, Зафировска 1, Јовановска 1, Димитровска, Матеа Јовановска 5, Николиќ и Цветковска.    Седмерци: 2/3.    Исклучувања: 4 минути.

ЖРК Металург: Васева, Ѓурческа, Ј.Спасовска 3, Петковска 4, М.Спасовска 1, Алексовска 3, Трајковска 1, Ан.Џигерова 3 и Ал.Џигерова.    Седмерци: 4/4.     Исклучувањ: 4 минути.

Судии: Александар Стојановиќ и Наум Александровски од Куманово.

Делегати: Александар Атанасовски од Куманово.

Прочитано 193 пати

(0) Readers Comments

Напишете коментар

Вашата адреса за е-пошта нема да биде објавена. Задолжителните полиња се означени со *


5 + 7 =